İran nüvə obyektlərinə endirilən zərbələrdən və nüvə alimlərinin öldürülməsindən sonra faktiki olaraq Nüvə Silahlarının yayılmaması haqqında Müqavilədən (NSYM) və Beynəlxalq Atom Enerjisi Agentliyinin (BAEA) üzvü olmaqdan çıxıb.
1xeber.media xəbər verir ki, bu barədə İran parlamentinin Milli Təhlükəsizlik və Xarici Siyasət Komitəsinin üzvü Əbül Fəzl Zöhrəvənd TASS-a müsahibəsində bildirib.
"Bizi həm agentlikdən, həm də NSYM-dən kənarlaşdırıblar”, – deyə o, sənədin 10-cu maddəsində nəzərdə tutulan İranın NSYM-dən çıxmaq imkanını şərh edərkən bildirib.
Deputat ölkəsinin nüvə obyektlərinə endirilən zərbələr və nüvə alimlərinin öldürülməsi yolu ilə faktiki olaraq “NSYM-dən kənara itələndiyini” qeyd edib.
















