“2024-cü il 2023-lə müqayisədə Ermənistan üçün ən sakit il kimi yadda qalsa da, ərazi itkilərimiz oldu”.
1xeber.media Globalinfo.az-a istinadən xəbər verir ki, bunu erməni jurnalist Tatul Akopyan deyib.
O, erməni xalqının iqtidar və müxalifət nümayəndələrinin açıqladıqlarından daha çox məlumatı bilməli olduğunu qeyd edib:
“2024-cü ildə Sovet Azərbaycanına məxsus olan bəzi ərazilər onlara geri qaytarıldı. Halbuki, hazırda oralara Ermənistan nəzarət edirdi. İrəvan Bağanıs Ayrım, Aşağı Əskipara, Xeyrımlı və Qızılhacılı kəndlərini rəsmi şəkildə Azərbaycana təhvil verdi. Nəticədə həmin kəndlərə qonşu olan ərazilərin demək olar ki, yarısını da itirdik. Noyemberyan-İrəvan və Gürcüstana gedən dövlətlərarası yollar əlimizdən çıxdı. Qonşu kəndlərdən yeni yollar çəkildi. İndi isə deyirlər ki, ötən il ərazi itirməmişik. Erməni xalqı həqiqəti bilməlidir”.
