Ukrayna Donald Trampın andiçmə mərasimi ərəfəsində Respublikaçılar Partiyasından gələcək Amerika prezidentinə yaxın olan şəxsləri Kiyevin tərəfinə keçməyə inandırmağa çalışır. Lakin Amerika liderinin xarici siyasətinin necə olacağı hələlik məlum deyil.
1xeber.media xəbər verir ki, Dünya mediasının bu barədə nə yazır?
Politico: ABŞ, Tramp qayıtmazdan əvvəl Ukrayna üzrə müttəfiqləri ilə son görüşü keçirir
Bu gələn cümə axşamı, yanvarın 9-da ABŞ-ın müdafiə naziri Lloyd Ostin Ukraynanın müttəfiqlərinin Almaniyadakı Ramşteyn aviabazasında hərbi yardımı müzakirə etmək üçün toplantı keçirəcək. Bu, Donald Trampın ikinci prezidentlik müddəti üçün Ağ Evə qayıtmasından bir neçə gün əvvəl baş verəcək.
Ukrayna Müdafiə Əlaqə Qrupunun iclasında Ostin Rusiyanın 2022-ci ilin fevralında Ukraynada münaqişəyə başlamasından bəri 50-dən çox ölkənin müdafiə nazirləri arasında 25-ci dəfə müzakirə aparacaq. Sonuncu tam iclas sentyabrda baş tutub. ABŞ prezidenti Co Baydenin oktyabr ayında Almaniyaya üç günlük səfəri zamanı rəhbərlik səviyyəsində panel iclasına sədrlik etməli idi, lakin Milton qasırğasının təsiri səbəbindən bu görüş ləğv edildi.
Noyabrda Trampın seçkilərdə qalib gəlməsindən sonra heç bir qrup toplantısı keçirilməyib. ABŞ-ın yeni seçilmiş prezidenti dəfələrlə bəyan edib ki, o, münaqişəyə tezliklə son qoyacaq. Lakin reallıqda nələrin baş verəcəyi hələ bəlli deyil.
Washington Post: Trampın növbəti prezidentliyi ərəfəsində Ukrayna ordusu müdafiəyə keçir
Rusiya qoşunları münaqişə başlayandan bəri ən yüksək sürətlə irəliləyir. Bir çoxları Rusiya prezidenti Vladimir Putinin qoşunları təşəbbüs göstərdiyi halda atəşkəslə razılaşacağına şübhə ilə yanaşır və Vladimir Zelenskinin ağrılı güzəştlərə getməyə məcbur olacağından qorxur.
