Bu həftə Los Ancelesin bəzi hissələrini dağıdan meşə yanğınlarından ən böyük olanının şənbə günü istimaqət dəyişdirdiyi deyilir ki, bu, daha çox evakuasiya əmrlərinin verilməsinə səbəb olub və onsuz da taqətdən düşən yanğınsöndürənlərə yeni çətinlik yaradıb.
Çərşənbə axşamından başlayaraq Los Anceles Qraflığında bir neçə məhəlləni xarabalığa çevirən eyni zamanda altı ayrı yanğın baş verib. Nəticədə ən azı 11 nəfər ölüb, 10 mindən çox tikili dağılıb. Yanğınsöndürənlər tək-tək evlərdə axtarış apara bildikləri zaman tələfat sayının artacağı gözlənilir.
Los Angeles Times xəbər verir ki, yanğını şiddətləndirən Santa Ana küləkləri cümə gecəyə doğru sakitləşib. Amma şəhərin qərb hissəsində davam edən Palisades meşə yanğını yeni istiqamətdə irəliləyir. O, Brenetvud və Fernando Valli məhəllələrinə doğru irəlilədiyinə görə, yeni evakuasiya əmrləri verilib.
Los Ancelesin tarixindəki ən dağıdıcı yanğın, bütün məhəllələri yerlə-yeksan edib və insanların evləri və sahib olduqları şeyləri xarabalıqlara çevirib.
Bundan öncə yanğınsöndürənlər Palisades və şəhərin şərq hissəsində günlərlə qarşısı alına bilinməyən İton meşə yanğınlarını nəzarət altına almaqda irəliləyiş əldə etdiklərini bildirmişdilər. Kaliforniya Meşə Təsərrüfatı və Yanğından Mühafizə Departamenti cümə gecə Palisades meşə yanğınının 8 faizinin, İton meşə yanğınının isə 3 faizinin qarşısının alındığını bildirib.
İki böyük yanğın birlikdə 14.100 hektar ərazini, yəni Manhettenin torpaq sahəsinin 2½ qatını yandırıb.
Los Anceles Qraflığının şerifi Robert Luna bildirib ki, təxminən 153,000 nəfər evakuasiya əmri altında qalır və daha 166,800 nəfər evakuasiya xəbərdarlığı ilə üzləşib, bütün evakuasiya zonalarında isə komendant saatı tətbiq edilib.
Yeddi qonşu ştat, federal hökumət və Kanada Kaliforniyaya yardım göndərib.
Milli Hava Xidməti, Los Anceles bölgəsindəki hava şəraitinin həftəsonu ərzində yaxşılaşacağını, davamlı küləklərin sürətinin saatda təxminən 32 km-ə qədər enəcəyini, qısa müddətlərdə isə saatda 35 mil ilə 50 mil arasında sürətlənəcəyini bildirib.
Rəsmilər qatı, zəhərli tüstü səbəbindən ictimai səhiyyə sahəsində fövqəladə vəziyyət elan ediblər.
