ABŞ prezidenti Donald Tramp Avropa ölkələrinin Ukrayna ilə bağlı fikirlərini dinləyəcək, əgər onlar öz təhlükəsizliklərinə daha çox xərcləməyə başlasalar.
1xeber.media xəbər verir ki, bunu şənbə günü, yanvarın 25-də Polşanın milli müdafiə naziri Vladislav Kosiniyak-Kamış Bloomberg agentliyinə müsahibəsində deyib.
“Resept sadədir: müdafiəyə daha çox xərc, hərbi sənayeyə daha çox investisiya. Yalnız bundan sonra Avropa həqiqətən danışıqlar masası arxasına əyləşə biləcək”, - nəşr onun sözlərini sitat gətirir.
Siyasətçinin fikrincə, müdafiə xərclərinin artırılması Avropa ölkələrinə ABŞ üçün etibarlı müttəfiq imicini yaratmağa kömək edəcək, həm də silah istehsalına investisiyalar hesabına onların daxili iqtisadi inkişafına təkan verəcək.
