Ermənistanın baş naziri Nikol Paşinyan erməni diasporunu xilas etməyin yolunu açıqlayıb.
1xeber.media xəbər verir ki, onun sözlərini “Novosti-Armenia” nəşri yazır.
“Mənşəcə erməni olan, erməni dilini bilməyən, ermənicə oxumayan, erməni adət-ənənələri ilə yaşamayan adam mühacirətdir. Və nə vaxtsa “X” öz soyadını saxlasa da, özünü erməni milləti ilə birləşdirmir”, - Paşinyan bildirib.
Nazir hazırda Ermənistanda indiyədək heç vaxt olmayan böyük mühacirətin olduğu qənaətindədir. Siyasətçi bildirib ki, diasporu xilas etməyin yeganə yolu respublikanı vətən kimi qəbul etməkdir.
Paşinyan bir müddət əvvəl Ermənistanda dövlət xalq sisteminə keçidin başladığını bildirib. O, 2018-ci il “şaşlıq inqilabı”ndan sonra hökumətin qərar qəbul etmə sistemini belə izah edib. Paşinyanın sözlərinə görə, bundan əvvəl Ermənistanın siyasi rəhbərliyinin hərəkətləri “bir neçə imperiyanın subyektlərinin rolundan” asılı idi.
