1xeber.media xəbər verir ki, ABŞ prezidenti Donald Tramp xüsusi elçisi Keyt Kelloqa Ukraynadakı münaqişəni dayandırmaq üçün 100 gün vaxt verib. O, Rusiyaya ultimatum verib, idxala tariflər və yeni sanksiyalar tətbiq etməklə hədələyib. Bundan əvvəl Ağ Ev rəhbəri hərbi əməliyyatları bir gün ərzində dayandıracağına söz versə də, buna nail olmağın mümkün olmadığını etiraf edib. Tramp Ukrayna böhranını özünün təyin etdiyi müddətdə bitirə biləcəkmi?
Trampın tələb etdiyi..
• Tramp Ukrayna üzrə xüsusi elçisi Keyt Kelloqun qarşısına iddialı bir məqsəd qoyub ki, vəzifədə olduğu ilk 100 günün sonuna qədər münaqişəyə son qoyulsun. Amerika mətbuatının bu mesajı sürətlə bütün dünya mediasına yayıldı və təkzib olunmadı, lakin təsdiqini tapmadı. Ənənəvi olaraq, bu 100 günlük müddət Amerika siyasətində Ağ Evin növbəti rəhbərinin hakimiyyətinin ilk nəticələrini yekunlaşdırmaq üçün istifadə olunur. Bu simvolik dövr aprelin 30-da başa çatacaq.
• Kelloqun özü Tramp vəzifəyə başlamazdan əvvəl demişdi ki, 100 gün ərzində Ukraynadakı münaqişənin sona çatmasına nail olmaq istəyir. Onun sözlərinə görə, Ağ Evin qarşısında ilk olaraq Tramp və Rusiya prezidenti Vladimir Putin və Ukrayna lideri Vladimir Zelenski (səlahiyyətləri mayın 20-də başa çatan) arasında danışıqları təşkil etmək vəzifəsi durur ki, bu da ən qısa zamanda həll yolunu tapmağa imkan verəcək.
