Xəbər verdiyimiz kimi, "Ford"un rəsmi saytında öz avtomobilləri ilə bağlı məlumat yayıb:
"Sizin və sərnişinlərinizin təhlükəsizliyi hər bir istehsal etdiyimiz avtomobil üçün əsasdır. Buna görə də 2019-2020-ci il Ford Fusion Energi Plug-in Hybrid modelləri üçün geri çağırış elan etmişik"
Məlumatda bildirilir ki, avtomobilin baqaj hissəsində yanğın baş vermə ehtimalı mövcuddur ki, bu da sürüş zamanı yaralanma riskini artırır. Tələb edirik ki, problemin həlli tapılana qədər avtomobilinizi enerji ilə doldurmaqdan çəkinəsiniz.
Bəzi modellər işə düşməyə və ya sürmə zamanı "Stop Safely Now" mesajını göstərməyə bilər və bir neçə saniyə ərzində güc itkisi baş verə bilər.
Bəs Amerikadan auksiondan alınıb Bakıya gətirilən avtomobillərdə bu proses necə tənzimlənir?
Məsələ ilə bağlı nəqliyyat eksperti Eldəniz Cəfərov bildirib ki, müəyyən qüsur aşkarlanan avtomobilllərin geri çağırılması o demək deyil ki, istehsalçıya geri qaytarılır.
"Bu o deməkdir ki, istehsalçı bu qüsuru aradan qaldırmaq üçün avtomobil sahiblərinə məlumat verir ki, onlar yaxınlıqdakı dillerlərə avtomobili aldıqları rəsmi dillerə yaxınlaşıb yaranan problemi həll edir. Bu da istehsalçı tərəfindən qarşılanır. Bu elan Azərbaycanda da satılmış avtomobillərə şamil edilir. Bu kokret olaraq müəyyən ölkə üçün nəzərdə tutulub. Əgər bizim ölkəyə də aid olsa idi, o zaman rəsmi dillerlər məlumat yayardılar".
Ekspert qeyd edib ki, burada avtomobil təzə ya köhnə olması önəmli deyil.
"Əgər istehsalçı bu qüsuru aşkar edərək elan edibsə, o zaman ehtiyat hissələrinin dəyişdirilməsi həyata keçirilir. Bu praktika bizim ölkəmizdə var. Yaponiya istehsalı avtomobillərin satışı ilə məxsus olan rəsmi dillerlər belə elanlar edirlər. Hətta bunun üçün xüsusi portal hazırlanıb. Vətəndaş avtomobilin Vin kodun daxil edir, əgər geri çağırılma varsa, həmin avtomobildə hər hansı ehtiyat hissəsi dəyişilməlidirsə, bu zaman avtomobil sahibindən hər hansı məbləğ alınmadan həll edilir".\\milli.az
