Messi fanatlarına şad xəbər: Futbol əfsanəsi Lionel Messi və onun komanda yoldaşları Bakıya gəliblər.
1xeber.media xəbər verir ki, məşhur futbolçunu Bakı hava limanında azərbaycanlı iş adamı Adnan Əhmədzadə qarşılayıb.
Qonaqların şərəfinə Bakı Kristal Zalında keçiriləcək tədbirdə dünyanın ən yaxşı futbolçusu - dünya çempionu, səkkiz dəfə "Qızıl top" mükafatı qazanan Lionel Messi ilə birlikdə dünya ulduzları Luis Suares, Serxio Buskets və Jordi Alba da iştirak edəcək.
Gecəni maraqlı edən məşhur bəstəkar və müğənni Villi Uilyam, populyar "Morandi" qrupu musiqili çıxış edəcəklər.
Futbolçularla görüşün biletlərini iTicket.az saytı və satış məntəqələrindən əldə etmək olar.
Onu da qeyd edək ki, satılan biletlərdən əldə olunan gəlir xeyriyyə məqsədlərinə sərf ediləcək.
