Azərbaycan informasiya məkanında daim təhdidlərlə üzləşir" .
1xeber.media xəbər verir ki, bunu jurnalistlərə açıqlamasında MEDİA-nın İcraçı direktorunun müavini Natiq Məmmədli deyib.
O bildirib ki, informasiya cəbhəsində heç vaxt atəşkəs olmur:
"Bu baxımdan biz COP29 tədbirinə ev sahibliyi zamanı gördük ki, Azərbaycanın informasiya məkanında nüfuzu artdıqca, ona qarşı təhdidlər də artır. COP29 təcrübəsi göstərdi ki, Azərbaycan mediası öz işini operativ və peşəkar şəkildə təşkil edir. Bu, belə də olmalıdır. Ona görə də, Azərbaycan mediasında peşəkarlıq problemi yoxdur".
N.Məmmədli, həmçinin qeyd edib ki, Azərbaycan Mətbuatının yaranmasının 150 illiyi ilə bağlı silsilə tədbirlər keçiriləcək:
"MEDİA və Mətbuat Şurası tərəfindən bir sıra tədbirlər keçiriləcək. Bu tədbirlərdə məqsəd birinci növbədə milli mətbuat dəyərlərinin təbliğ edilməsi və Azərbaycan milli jurnalistikasının əsas prinsiplərinin cəmiyyətə aşılanmasıdır. Düşünürük ki, bu istiqamətdə atılan addımlar cəmiyyət tərəfindən maraqla qarşılanacaq".
