İstanbulun mərkəzində restoranlardan birində baş verən yanğın söndürülüb.
1xeber.media xəbər verir ki, ölən və ya xəsarət alan olmayıb.
Yanğının səbəbləri hələ ki müəyyən edilməyib, lakin obyektin yerləşdiyi dördmərtəbəli bina tamamilə yanıb.
Qonşu binalara da ziyan dəyib.
14:29
İstanbulun mərkəzində restoran yanır, hadisə yerinə çox sayda yanğınsöndürmə və təcili yardım briqadaları cəlb olunub.
1xeber.media yerli KİV-ə istinadən xəbər verir ki, restoran İstanbulun tarixi Misir bazarının yaxınlığında, Eminönü səmtində yerləşir.
Obyekt dördmərtəbəli binanın birinci mərtəbəsində yerləşir, alov yuxarı mərtəbələrə və qonşu binalara yayılıb.
Hələlik binanın içərisində insanların qalıb-qalmadığı məlum deyil. Həmçinin ölən və xəsarət alanlar barədə də məlumat yoxdur.
