Azərbaycan Prezidenti İlham Əliyev və Ermənistanın Baş naziri Nikol Paşinyan ABŞ-nin Vaşinqton şəhərində keçirilmiş görüşün nəticələrinə dair Birgə Bəyannamə imzalayandan sonra Tramla İlham Əliyev arasında maraqlı dialoq yaşanıb.
ABŞ lideri Əliyevdən ölkəni necə ildir idarə etdiyini soruşub. Prezidentin cavabına Trampın reaksiyası maraqlı olub:
Donald Tramp: Ölkəndə rəhbər vəzifədə nə qədər müddətdir çalışırsan?
İlham Əliyev: İyirmi iki ildir.
Tramp: Deməli, sən güclü və ağıllı insansan
Qeyd edək ki, avqustun 8-də Azərbaycan Prezidenti İlham Əliyev, Amerika Birləşmiş Ştatlarının (ABŞ) Prezidenti Donald Tramp və Ermənistan Baş naziri Nikol Paşinyan arasında görüş keçirilib.
Görüş zamanı rəsmi Bakı ilə İrəvan arasında sülh gündəliyi, Zəngəzur dəhlizinin açılması və s. məsələlər müzakirə olunub.
Görüşün sonunda dövlət başçılarının Vaşinqton şəhərində keçirilmiş görüşünə dair Birgə Bəyannamə imzalanıb.
