Bu gün Bakı bulvarında klassik avtomobillərin sərgisi keçirilir.
1xeber.media xəbər verir ki, Dənizkənarı Milli Parkda AAF-da tədbir üçün qeydiyyatdan keçən klassik avtomobillər, həmçinin Heydər Əliyev Mərkəzindəki daimi sərginin bəzi eksponatlarından ibarət nəqliyyat vasitələri nümayiş olunub.
Yüzdən çox klassik avtomobilin iştirak etdiyi tədbirdə müxtəlif illərə aid nəqliyyat vasitəsini görmək mümkün olub. Bu nadir eksponatlar avtomobil sənayesinin inkişaf mərhələsini əks etdirərək, vizual baxımdan hər zaman diqqəti cəlb edir.
Tədbirdə Heydər Əliyev Fondunun vitse-prezidenti Leyla Əliyeva və Prezidentin köməkçisi Anar Ələkbərov da iştirak edib.
Ələkbərov instagram səhifəsində tədbirlə bağlı paylaşım edib.
"Hər bir avtomobilin öz tarixi var. Hər bir avtomobil mütləq hansısa bir sirri gizlədir.
Nə qədər gözəldir ki, Bakının küçələrində nadir avtomobillər hərəkət edir!"
