Tramp onu mətbuat katibi təyin etdi

ABŞ-nin seçilmiş prezidenti Donald Tramp Kerolayn Livitti Ağ Evin mətbuat katibi vəzifəsinə təyin edib.

1xeber.media xəbər verir ki, bu barədə respublikaçının keçid komandasının bəyanatında deyilir.

Əvvəllər Livitt Trampın seçki kampaniyasının mətbuat katibi vəzifəsində çalışıb və onun əvvəlki administrasiyasında mətbuat katibinin köməkçisi işləyib.

27 yaşlı Livitt Ağ Evin ən gənc mətbuat katibi olacaq: o, prezident Riçard Niksonun dövründə 29 yaşında bu vəzifəyə təyin edilmiş Ron Ziqlerin rekordunu qıracaq.