Türkiyənin xarici işlər naziri Hakan Fidan Moskva və Kiyev nümayəndə heyətləri arasında İstanbulda keçirilən danışıqlarda açılış nitqində Rusiya və ABŞ prezidentləri Vladimir Putin və Donald Trampa, eləcə də Ukrayna lideri Vladimir Zelenskiyə danışıqların təşkilində göstərdikləri səylərə görə təşəkkür edib.
1xeber.media xəbər verir ki, bu barədə RİA Novosti məlumat yayıb.
Türkiyə Xarici İşlər Nazirliyinin rəhbəri vurğulayıb ki, Ankara Ukrayna üzrə danışıqların uğurla nəticələnəcəyini gözləyir.
Bundan əlavə, Fidan Moskva və Kiyev arasında İstanbulda keçiriləcək danışıqların əsas məqsədinin adını çəkib. Onun sözlərinə görə, bu, Ukrayna münaqişəsini tez bir zamanda həll etməkdir.
İyulun 23-də İstanbulda Rusiya və Ukrayna nümayəndə heyətlərinin rəhbərləri Vladimir Medinski və Rustem Umerov arasında görüş keçirilib. Hakan Fidan da iştirak edirdi.
