Moskva Cənubi Qafqazda yeni qüvvələr balansı hazırlayır.
1xeber.media Globalinfo.az-a istinadən xəbər verir ki, bunu rusiyalı politoloq və beynəlxalq müşahidəçi Movses Qazaryan deyib.
Ekspert hesab edir ki, Moskvanın regionu tərk etmək niyyəti yoxdur. Hər şeyə rəğmən, Rusiya faktoru hələ də Cənubi Qafqazda həlledici rol oynayır. Bu arada Cənubi Qafqazda dəyişən qüvvələr balansı fonunda regional oyunçularla münasibətlərin yenidən formatlaşdırılmasına ciddi ehtiyac var. Xüsusilə, söhbət açıq-aşkar Qərb birliyi ölkələrinə doğru sürüklənən Ermənistandan gedir.
Politoloq bildirib ki, əgər postsovet ölkələrindən hər hansısa biri Rusiyadan uzaqlaşmağı zəruri hesab edirsə və bu, Moskvanın maraqlarına birbaşa təhlükə saçmırsa, o zaman Kreml problem yaratmayacaq.
Onun sözlərinə görə, Rusiya sərhədlərində təhlükəsizlik riskləri ağır nəticələrə gətirib çıxaracaq. Bununla belə, rəsmi Moskva hələlik diplomatik qarşılıqlı fəaliyyətə diqqət yetirir. Gələcəkdə nələrin baş verəcəyi isə regional oyunçuların addımlarından asılı olacaq.
