Daha bir aviaşirkət Rusiyaya uçuşları dayandırıb.
Qanot Şərq aviaşirkəti (Özbəkistan) Rusiyaya istiqamətlər də daxil olmaqla, bir sıra reyslərin müvəqqəti olaraq ləğv edildiyini açıqlayıb. Rəsmi açıqlama şirkətin instagram səhifəsində yayımlanıb.
“Hörmətli sərnişinlər, operativ ehtiyaclarla əlaqədar olaraq, yanvarın 20-dən martın 6-dək A320 təyyarələrində yerinə yetirilən reyslərin ləğvi barədə məlumat veririk”, - deyə şirkətdən bildirilib.
Ləğv edilən reyslərə Daşkənd, Səmərqənd, Fərqanə, Buxara və Moskva (Domodedovo hava limanı) arasında marşrutlar, həmçinin Sankt-Peterburq və Nijni Novqoroda uçuşlar daxildir. Ümumilikdə, yanvar, fevral və martın əvvəllərini əhatə edən onlarla reys ləğv edilib.
Şirkət yaranan narahatlığa görə sərnişinlərdən üzr istəyib və biletlərin qaytarılması və ya dəyişdirilməsi ilə bağlı məlumat almaq üçün dəstək xidməti ilə əlaqə saxlamağı tövsiyə edib
publika.az
