NATO ölkələri Ukraynaya tankların tədarükünü davam etdirəcək.
1xeber.media xəbər verir ki, bu barədə Polşanın müdafiə naziri Vladislav Kosinyak-Kamış “TVP İnfo” telekanalının yayımladığı brifinqdə bildirib.
"Ukraynanın müdafiəsi üzrə Təmas Qrupunun iclasında Ukrayna üçün zirehli potensialın yaradılması üzrə koalisiyamızın yol xəritəsini və növbəti tranş haqqında məlumatı təqdim etdim. Bu görüşdə iştirak edən bütün ölkələr gələcək tədarüklərə hazırlaşır”, - nazir deyib.
Bundan əvvəl ABŞ-nin müdafiə naziri (Pentaqon rəhbəri) Lloyd Ostin Almaniyanın Ramşteyn aviabazasında qrupun 25-ci iclasının açılışında bəyan edib ki, Ukraynaya silah tədarükünün əlaqələndirilməsi üzrə qrupun iştirakçıları Kiyevlə hərbi əməkdaşlığın səkkiz istiqaməti üzrə "yol xəritələri"ni təsdiqləyiblər.
