Polşa Avropa İttifaqının (Aİ) Miqrasiya Paktına əməl etməyəcək və miqrantları qəbul etməyəcək.
1xeber.media xəbər verir ki, bu barədə ölkənin baş naziri Donald Tusk Avropa Komissiyasının (AK) rəhbəri Ursula fon der Leyen ilə birgə mətbuat konfransı zamanı bildirib.
O qeyd edib ki, bu mövqe AK tərəfindən başa düşülür. Polşa artıq 2 milyona yaxın ukraynalı qaçqını qəbul edib və “daha heç bir öhdəlik götürməyi” planlaşdırmır”, – Tusk vurğulayıb.
“Mən Daxili İşlər və Administrasiya və Ədliyyə Nazirliyinə müraciət etmişəm ki, əcnəbilər tərəfindən törədilən mütəşəkkil cinayətkarlığa dərhal reaksiya verilməsi üçün çevik plan təqdim etsinlər. "Polşaya səfər edən və qanunu kobud şəkildə pozan hər kəs deportasiya ediləcək", - Polşa baş nazirinin sözlərini RMF24 radiostansiyası sitat gətirib.
