Almaniyanın ifrat sağçı “Almaniya üçün Alternativ” (AfD) partiyası Rusiyaya qarşı sanksiyaları ləğv etməyə çalışacaq.
1xeber.media xəbər verir ki, fevralın 21-də partiyanın Bundestaqdakı deputatı və parlament qrupunun ABŞ üzrə sədr müavini professor Harald Veyel deyib.
“AfD hökumət koalisiyasına qoşularsa, biz Avropa İttifaqı Nazirlər Şurası səviyyəsində Rusiyaya qarşı Avropa sanksiyalarının ləğvinə çalışacağıq”, o, Lenta.Ru-ya müsahibəsində deyib.
Siyasətçinin sözlərinə görə, partiya həm də “Şimal axını” qaz kəmərlərinin təmirini və Rusiya ilə enerji əməkdaşlığının bərpasını dəstəkləyir.
