“Sözün bitdiyi an” verilişinin aparıcısı Nigar Fərhad fikirlərini düzgün ifadə etmədiyi üçün onun sözləri son günlər cəmiyyətdə geniş müzakirələrə səbəb olub. Bu səbəbdən “Kanal S” verilişin yayımını dayandırıb.
1xeber.media Teleqraf-a stinadən xəbər verir ki, bu barədə televiziya rəsmi məlumat yayıb.
“Efirimizdə yayımlanan “Sözün bitdiyi an” verilişinin aparıcısı Nigar Fərhadın səsləndirdiyi fikirlər “Media haqqında” qanununun 14.1.4-cü maddəsinin tələblərinin pozulmasıdır. Bundan böyük təəssüf hissi keçiririk.
Aparıcı ilə izahedici söhbətlərin aparılması, bu cür halların gələcəkdə təkrarlanmaması üçün verilişin yayımının müvəqqəti dayandırılması qərarı alınıb”, - “Kanal S”-in məlumatında vurğulanıb.
Qeyd edək ki, Nigar Fərhadın aparıcısı olduğu verilişdə “Mənim oğlum olsa, ona atası olmayan qızı ala bilmərəm” açıqlaması cəmiyyətdə ciddi rezonans doğurub.
