İstanbul Böyükşəhər Bələdiyyəsinin keçmiş sədri Əkrəm İmamoğlu həbsxanadan xalqa çağırış edib.
O, bu barədə “X” platformasında paylaşım edib.
İmamoğlu Cümhuriyyət Xalq Partiyasının (CHP) elan etdiyi boykot kampaniyasını dəstəkləyən şəxslərin ölkədə təzyiqə məruz qaldığını söyləyib:
“Tamamilə qanuni bir əsasla, şəxsi hüquq və azadlıqları çərçivəsində fikirlərini bildirənləri, paylaşım edənləri, aksiyalara qatılanları, boykot haqqından istifadə edənləri qorxutmağı, sürətlə həbsə atmağı gözə alanlar müddətlərini tamamlayıblar. Bunlar bir ovuc insanın vəzifələri qorumalaları üçün son çırpınışlarıdır.
86 milyon nəfərlik xalqımıza – işçilərə, təqaüdçülərə, qadınlara, gənclərə, sənətçilərə, ümumilikdə millətimizə xatırladırıq:
Qorxma!
Qəflər və dəlalət içində olanlardan qorxma! Şüarımız cəsarət, qərarlılıq və heç vaxt geri çəkilməmək olsun!”
Qeyd edək ki, sözügedən boykot kampaniyasına dəstək verən bir çox şəxs polis tərəfindən saxlanılıb. Onların arasında incəsənət nümayəndələri də var.
