Rumıniya Azərbaycan ilə uzun müddətdir ki, mükəmməl əməkdaşlığa malikdir. Bu müddət ərzində Azərbaycan Rumıniya üçün etibarlı, ciddi, dürüst və praqmatik bir tərəfdaş olub.
1xeber.media xəbər verir ki, bu sözləri “TransGaz” şirkətinin direktoru İon Sterian Rumıniyanın “Financial Intelligence” nəşrinə verdiyi açıqlamada bildirib.
İon Sterian Azərbaycanın Rumıniyaya qaz tədarük edəcəyini və bunun üçün lazım olan dəstəyi verəcəyini açıqlayıb.
Cənub Qaz Dəhlizi ilə bağlı İon Sterian bildirib ki, Rumıniya bu dəhlizin genişlənməsini dəstəkləyir. O, “TransGaz”ın bu layihəyə daxil olmasından və Cənub Qaz Dəhlizinin işə salınmasında oynadığı mühüm roldan danışıb.
“Transbalkan dəhlizini işə salmaqla 14 milyard kubmetr qazın Mərkəzi və Şərqi Avropa, Ukrayna, Moldova kimi ölkələrə çatdırılmasını təmin etmiş oluruq. Bu, xüsusilə Qara dənizdən qaz hasil edilənə qədər Rumıniyanın qaz ehtiyaclarını təmin etmək üçün əhəmiyyətlidir”, - deyə şirkət rəhbəri bildirib
İon Sterian, həmçinin Rumıniyada qaz istehlakının artmağa başladığını və bu ilin sonunda bir çox yeni paylama şəbəkələrinin fəaliyyətə başlayacağını bildirib. O, bu artımın nəticəsində gələn qışa hazırlıq olaraq qazın yeraltı anbarlara doldurulacağını və bununla da ölkənin qış mövsümünə hazır olacağını qeyd edib.
