Ukraynaya heç vaxt söz verilməyib ki, NATO-ya üzv olmaq Rusiya ilə sülh sazişinin bir hissəsi olacaq.
1xeber.media xəbər verir ki, bunu alyansın baş katibi Mark Rutte deyib.
"Heç kim Ukraynaya NATO üzvlüyünün sülh sazişinin bir hissəsi olacağına söz verməyib", - NATO-nun baş katibi deyib.
Eyni zamanda, Rutte qeyd edib ki, Ukraynanın NATO-ya üzvlüyü məsələsi gündəmdə qalır və qalacaq.
Bundan əvvəl, aprelin 15-də NATO-nun baş katibinin Ukrayna prezidenti Vladimir Zelenski ilə birlikdə Odessaya səfər etdiyi barədə məlumatlar yayılmışdı. Səfər zamanı o, Ukraynada münaqişənin sülh yolu ilə həlli üzrə danışıqların yaxşı getmədiyini qeyd edib.
