Moldovanın Qaqauz Muxtar Vilayətinin sakinləri Komratda keçirilən mitinqdə onun rəhbəri Yevgeniya Qutsulu dəstəklədiklərini bildiriblər və bütün səlahiyyətlərin bərpasını tələb ediblər.
1xeber.media xəbər verir ki, bu barədə Moldovanın Canal 5 telekanalı aprelin 16-da özünün Telegram kanalında məlumat yayıb.
“Biz, Qaqauziyanın muxtar ərazi qurumunun sakinləri Moldovanın mərkəzi hakimiyyətinin antiqaqauz siyasətinə qəti etirazımızı bildiririk. Mövcud vəziyyətlə əlaqədar Moldovanın mərkəzi hakimiyyət orqanlarından ATU Qaqauziyanın bütün hüquq və səlahiyyətlərini dərhal bərpa etməyi tələb edirik”, - deyə məlumatda bildirilir.
GRT teleradio şirkətinin Teleqram kanalında bildirildiyinə görə, mitinqdə digər məsələlərlə yanaşı, Kişinyovun Qaqauziyadakı hakimiyyət institutlarına qarışmamasına zəmanət, həmçinin Yevgeniya Qutsulun ev dustaqlığından azad edilməsi və muxtariyyət rəhbərliyinə qarşı siyasi təqiblərə son qoyulması da daxil olmaqla, qətnamə qəbul edilib.
