İBB sədri Əkrəm İmamoğlu İstanbulda baş verən zəlzələlərlə bağlı açıqlama verib.
1xeber.media xəbər verir ki, İmamoğlu açıqlamasında bu sözləri deyib:
Vəkilim gəldikdən sonra baş verən zəlzələyə dair hisslərimi indi ifadə edə bilirəm.
Ən böyük kədərim, həyatını İstanbulun təbii fəlakətlərə qarşı planlaşdırılmasına həsr etmiş, bunun uğrunda mübarizə aparan idarəçilər və şəhər planlaşdırıcıları olaraq bu çətin gündə sizinlə birlikdə ola bilməməkdir.
İlk müəyyənləşdirmələrdə hər hansı bir mənfi halın olmaması bizi sevindirdi. Bütün İstanbul Böyükşəhər Bələdiyyəsi (İBB) qruplarımız hazır vəziyyətdədir və bütün dövlət qurumları ilə koordinasiyalı şəkildə vəzifələrinin başındadırlar.
İstanbul zəlzələsi ilə bağlı mübarizə, bütün qurumlarımızın üzərində böyük bir mövcudluq (beka) mübarizəsidir. Zəlzələ məsələsi, seçki qazanmaqdan və kreslo hirsindən qat-qat daha böyük bir məsələdir. Buna görə təcili olaraq birliyə, həmrəyliyə, qarşılıqlı dəstəyə və ortaq ağıla ehtiyacımız var.
Zəlzələyə qarşı mübarizədə mərkəzi hökumətlə birlikdə çalışa bilmək üçün müxtəlif təkliflərimiz olub.
Bu fürsətlə bir daha xatırlatmaq istəyirəm ki, şəhərsalma yenilənməsindən infrastruktur və üst quruluşun möhkəmləndirilməsinə, yaşıl sahələrdən nəqliyyata, təbiətin qorunmasından şəhər inkişafı prinsiplərinə, maliyyədən bütün qurumlarla əməkdaşlığa qədər İstanbul və ətraf bölgəni əhatə edən genişmiqyaslı bir iş zəruridir.
Milli və beynəlxalq səfərbərlik ruhu ilə, İstanbul Zəlzələ Şurası təklifimiz mütləq həyata keçirilməlidir.
Kanal İstanbul və bənzəri xəyanət layihələrindən İstanbul uzaq tutulmalı və dövlətimiz, millətimiz üçün mövcudluq problemi olan İstanbul Zəlzələsinə və nəticələrinə tez bir zamanda hazırlıq görülməlidir.
Millətimizə keçmiş olsun.
