"Səfərin təfərrüatları və planlarına gəlincə, qeyd etməliyəm ki, iki prezident arasında rəsmi görüşlərin keçirilməsi, eləcə də baş tutacaq müzakirələrlə yanaşı, iqtisadi, sənaye, mədəniyyət sahələrində müxtəlif sənədlər imzalanacaq".
1xeber.media Fars-a istinadla xəbər verir ki, bunu İranın siyasi məsələlər üzrə vitse-prezidenti Mehdi Sənai deyib.
O, Məsud Pezeşkianın Azərbaycana səfərinə dair bildirib:
"Cənab Pezeşkianın bugünkü səfəri bu ölkə prezidentinin rəsmi dəvətinə əsaslanır və təbii ki, həm ikitərəfli, həm də iki ölkə arasında münasibətlərdəki məsələlərin həlli, eləcə də regional perspektiv baxımından əhəmiyyətlidir.
Bu qısa, birgünlük səfər günün sonuna qədər davam edəcək və proqramlar tamamlanacaq. Səfər iki gün olmalı idi, lakin cənab Prezident Şahid Rəcai limanında baş vermiş hadisənin istintaqına birbaşa nəzarət etdiyi üçün prezident proqramların bir günlə tamamalanmasını xahiş etdi və sabahkı proqramlar təxirə salındı".
Mehdi Sənai qeyd edib: Səfərin təfərrüatları və planlarına gəlincə, qeyd etməliyəm ki, iki prezident arasında rəsmi görüşlər keçirilməsi, eləcə də müzakirələrlə yanaşı, iqtisadi, sənaye və mədəniyyət sahələrində müxtəlif sənədlər imzalanacaq".
