Fransa prezidenti Emmanuel Makron mərhum Papa Fransiskə yaxın olan Sant'Egidio katolik hərəkatı ilə əlaqələr vasitəsilə papa taxtına "öz" namizədini irəli sürməyə cəhd etməkdə şübhəli bilinir.
1xeber.media xəbər verir ki, bu barədə mayın 2-də “Le Monde” qəzeti məlumat yayıb.
Nəşrin qeyd etdiyi kimi, müzakirəyə səbəb Fransa liderinin Fransiskin ölümündən sonra baş verdiyi iddia edilən Romada kardinallar və Sant'Egidio rəhbəri ilə görüşləri olub.
Müzakirələrin hərəkatın mümkün namizədi, kardinal Matteo Mariya Zuppi ilə bağlı olduğu, onun mövqeyinin baş nazir Giorgio Melonun rəhbərlik etdiyi İtaliya hökumətinin kursuna zidd olduğu bildirilir. Bu, Makronun hərəkətlərini katolik kilsəsinin daxili işlərinə qarışmaq və yeni pontifikin seçilməsinə təsir etmək cəhdi kimi qiymətləndirən İtaliya hakimiyyətinin narahatlığına səbəb olur.
