Vatikan Roma Papası Fransiskin ölümündən sonrakı fotoşəkillərini dərc edib. Bu şəkillərdə onun üzünün sol tərəfində aydın şəkildə geniş hematoma görünür.
1xeber.media bildirir ki, Oxu.Az-ın verdiyi məlumata görə, bu şokedici detalı ilk olaraq İtaliyanın “Il Messaggero” nəşri qeyd edib.
Nevroloq Sabina Antikolinin fikrincə, belə qançır insult nəticəsində yaranan hemiplegiya – birtərəfli iflic səbəbindən yıxılma nəticəsində əmələ gələ bilərdi.
Lakin bu versiya ciddi suallar doğurur, nəzərə alsaq ki, 88 yaşlı pontifik əlil arabasında hərəkət edirdi və 24 saat müşayiət edən şəxslərin nəzarəti altında idi.
Vatikan bu sirli zədənin təbiəti və mənşəyi ilə bağlı hər hansı şərh verməkdən çəkinib. Papa Fransiskin rəsmi ölüm səbəbi 21 aprel 2025-ci ildə baş vermiş insult kimi göstərilib. Bununla belə, kilsə iyerarxlarının rəsmi açıqlamalarında pontifikin ölüm vaxtı ilə bağlı aşkar ziddiyyətlər müşahidə olunur.
Fransiskin cəsədi 26 aprelə qədər Müqəddəs Pyotr kilsəsində vida mərasimi üçün açıq olacaq. Bu tarixdən sonrakı günlərdə kardinallar Katolik kilsəsinin yeni başçısını seçmək məqsədilə Sikstin kapellasında konklav keçirəcəklər.
Roma Papası Fransisk (dünyəvi adı Xorxe Mario Berqolyo) Katolik Kilsəsinin 266-cı pontifiki olub. O, 13 mart 2013-cü ildə papa taxtına çıxıb və tarixdə Yeni Dünyadan olan ilk Papa, həmçinin bu vəzifədə ilk yezuit olub. Fransiskin pontifikliyi 12 il davam edib və bir çoxları tərəfindən islahatları və mütərəqqi görüşləri ilə yadda qalıb.
