ABŞ prezidenti Donald Tramp Rusiyaya qarşı ikinci dərəcəli sanksiyalar tətbiq etməyi düşünür.
1xeber.media xəbər verir ki, bu barədə Bloomberg məlumat yayıb.
Qeyd olunur ki, sanksiyaların mümkün tətbiqinə səbəb Rusiya lideri Vladimir Putinin Ukrayna münaqişəsinin həllində güzəştə getmək istəməməsidir. Lakin agentliyin məlumatına görə, Vaşinqton hələlik bu məsələ ilə bağlı qərar verməyib.
“Qanun layihəsinə görə, bu sanksiyalara Rusiyadan neft, neft məhsulları, təbii qaz və ya uran alan ölkələrdən idxala 500 faizlik tariflər daxil olacaq”, - nəşr yazır.
Bundan əvvəl Tramp Putini sülhə sadiqliyini nümayiş etdirməyə çağırıb. O bildirib ki, münaqişə tərəflərinin “sövdələşmə bağlamaq üçün şərtləri var”.
