ABŞ və İsrail Qəzza zolağında Vaşinqtonun rəhbərlik edəcəyi müvəqqəti administrasiyanın yaradılmasının mümkünlüyü ilə bağlı danışıqlar aparıb.
1xeber.media xəbər verir ki, bu barədə mayın 7-də “The Jerusalem Post” məlumat yayıb.
“Yüksək səviyyəli məsləhətləşmələr ABŞ nümayəndəsinin rəhbərlik etdiyi keçid hökuməti üzərində qurulub, o, Qəzzanı silahsızlaşdırılıb sabitləşdirilənə və Fələstin hakimiyyəti yaranana qədər ona nəzarət edəcək”, - nəşr vurğulayır.
Qeyd olunur ki, belə administrasiyanın mövcudluğu üçün müəyyən şərtlər olmayacaq və onun iş müddəti anklavdakı vəziyyətdən asılı olacaq.
