Əfsanəvi boksçu Taysonu döyüşə çağırdı

Əfsanəvi boksçu Evander Holifild ağır çəkidə sabiq dünya çempionu Mayk Taysonu döyüşə dəvət edib.

1xeber.media xəbər verir ki, “Dəmir Mayk” artıq onun çağırışına reaksiya verib. Evanderin 62, Maykın isə 58 yaşı var.

“Azarkeşlər bunu, bizim mübarizəmizi istəyirlər. Bu, yarımçıq qalan işdir”, - deyə Evander sosial media vasitəsilə Mayka müraciət edib.

“Mən səni sevirəm, qardaş, amma trilogiya bizim dostluğumuzdur”, – deyə Mayk cavab verib.

Holifild karyerasında iki dəfə Taysonla qarşılaşıb və ilk dəfə 11-ci raundda texniki nokautla qalib gəlib. İkinci döyüşdə Mayk Evanderin qulağının bir parçasını dişləyib və diskvalifikasiya edildikdən sonra qələbə Holifildə verilib.