Cessna 550 təyyarəsi San Dieqonun yaşayış məntəqəsinə çırpılaraq orada yanğınlar törədib.
1xeber.media xəbər verir ki, Ölən və yaralananlar barədə məlumat azdır, təyyarədə kimin olduğu hələlik məlum deyil. Eyni zamanda, San Dieqo Yanğınsöndürmə İdarəsinin rəis müavini Den Eddi qeyd edib ki, “birdən çox” qurban ola bilər. Polis indiyədək xəstəxanaya yerləşdirilən bir qurban barədə məlumat verib.
Federal Aviasiya İdarəsi qəzaya uğrayan təyyarənin altı ilə səkkiz nəfəri daşıya bilən Cessna 550 modeli olduğunu bildirib. O, tez-tez iki pilot və bir neçə sərnişini olan bir iş təyyarəsi kimi istifadə olunur. Bundan sanitar kimi də istifadə etmək olar.
Qəzanın baş verdiyi ərazidə hava yerli vaxtla səhər tezdən dumanlı olub. Təyyarə San Dieqonun Merfi Kanyonu bölgəsində qəzaya uğrayıb, təxminən 10 evə ziyan dəyib. Məlum olub ki, yerdə olan 15 ev yanıb. İlkin məlumata görə, zərərçəkənlər yüngül və orta dərəcəli bədən xəsarətləri alıblar.
Hakimiyyət bir neçə məhəllə sakinlərini - ümumilikdə 100-ə yaxın insanı təxliyə edib. Yerli yanğınsöndürmə briqadasının rəis müavininin mətbuat konfransında dediyi kimi, "orada hər şey reaktiv yanacaqdadır". Həmçinin, onun sözlərinə görə, qəzaya uğrayan təyyarənin təsirindən bir neçə yaşayış binası birbaşa zədələnib.
