ABŞ Kolorado ştatının Boulder şəhərində törədilən terror aktını cəzasız qoymayacaq və məsuliyyət daşıyanları qanun çərçivəsində cavab verəcək.
1xeber.media xəbər verir ki, bunu iyunun 2-də Amerika lideri Donald Tramp deyib.
"Amerika Birləşmiş Ştatları Kolorado ştatının Boulder şəhərində dünənki dəhşətli hücuma dözməyəcək. O (terrorçu — Red.) [ABŞ-ın keçmiş prezidenti Co Baydenin ölkəmizə bu qədər zərər vuran gülünc açıq sərhəd siyasəti sayəsində gəldi", - Tramp Truth sosial şəbəkəsində yazıb.
O qeyd edib ki, şübhəli şəxs immiqrasiya siyasətinə uyğun olaraq deportasiya edilməlidir. Trampın sözlərinə görə, terror hücumları “qanun çərçivəsində mühakimə olunacaq”.
