6 iyun 2025-ci il tarixdə Ağdam Rayon İcra hakimiyyətinin əməkdaşları Qurban bayramı münasibətilə Vətən Müharibəsinin əkiz şəhidləri, Tacir və Nazir Allahverdiyev qardaşlarının ailəsini ziyarət ediblər.
Ziyarət zamanı bildirilib ki, Möhtərəm Prezidentimiz, Müzəffər Ali Baş Komandan Cənab İlham Əliyevin müvafiq tapşırıq və tövsiyələrinə uyğun olaraq Respublikamızın hər yerində Şanlı Qələbəmizlə nəticələnən 44 günlük Vətən Müharibəsində Vətənimizin azadlığı uğrunda canlarını qurban verən qəhrəman Şəhidlərimizin ailələrinə, döyüşlərdə şücaət göstərərək qazi olan şəxslərə daim diqqət və qayğı göstərilir. Ağdam rayonunda da bu kateqoriyadan olan insanlar diqqət və qayğı ilə əhatə olunurlar. Şəhidin ailə üzvləri onlara göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
Qeyd edək ki, şəhid qardaşlar Allahverdiyev Tacir və Allahverdiyev Nazir Vətən müharibəsi zamanı öz döyüş tapşırıqlarını yerinə yetirən zaman - 24 oktyabr 2020-ci il tarixdə Füzuli rayonunun azadlığı uğrunda gedən döyüşlərdə qəhrəmancasına şəhid olmuşlar.
Şəhid qardaşlar 3-cü dərəcəli “Vətənə xidmətə görə ordeni”, "Vətən uğrunda" və "Xocavəndin azad olunmasına görə" medalları (ölümlərindən sonra) ilə təltif ediliblər.
