2025-ci il TR-YÖS (Türkiyə Yabancı Öğrenci Sınavı) nəticələri açıqlanıb və bu ilki imtahanın ən parlaq nəticələrindən biri Azərbaycandan olub.
Beynəlxalq Təhsil Mərkəzinin istedadlı və əzmkar şagirdi Əhəd Səmədzadə maksimum nəticə olan 500 balı toplayaraq Türkiyə universitetlərinə qəbul üçün ən yüksək göstəriciyə imza atıb.
TR-YÖS, dünyanın müxtəlif ölkələrindən minlərlə tələbənin qatıldığı, riyaziyyat və məntiq sahəsində yüksək səviyyəli bilik və düşüncə tələb edən beynəlxalq imtahandır. Bu nəticə isə yalnız bilik deyil, mükəmməl hazırlıq strategiyası, intizam və məqsədyönlülüyün bariz nümunəsidir.
Əhəd Səmədzadənin bu uğuru onun akademik potensialının və zəhmətinin göstəricisi olmaqla yanaşı, Beynəlxalq Təhsil Mərkəzinin hazırlıq sisteminin effektivliyini də sübut edir.
Bu nəticə Əhədə, Türkiyənin ən nüfuzlu universitetlərindən tam təqaüdlə təhsil almaq imkanı qazandırmaqla yanaşı, Azərbaycan gənclərinin beynəlxalq təhsildə yüksələn nüfuzunun da rəmzinə çevrilir.
“Əhədin uğuru təsadüf deyil — bu, illərlə qurulan bir sistemin, güvənli təlimin və tələbəmizin yorulmaz əzminin nəticəsidir”, — deyə Beynəlxalq Təhsil Mərkəzinin rəhbərliyi bildirib.
Biz Əhədi səmimi qəlbdən təbrik edir, ona təhsil həyatında daha böyük uğurlar və zirvələr arzulayırıq!
