ABŞ Prezidenti Donald Tramp G7 liderlərinin Kanadada hazırladığı İsrail və İran arasında gərginliyin azaldılmasına çağıran birgə bəyanatı imzalamaq niyyətində deyil.
1xeber.media xəbər verir ki, bu barədə CNN məsələ ilə tanış olan mənbəyə istinadla məlumat yayıb.
Halbuki Avropa rəsmiləri tərəfindən hazırlanan bəyanat layihəsində İsrailin özünümüdafiə hüququ olduğu və İranın nüvə silahı əldə edə bilməyəcəyi vurğulanır.
Ağ Ev sözçüsü Trampın birgə bəyanatla bağlı planları barədə suala cavabında deyib:
“Tramp İranın nüvə silahı əldə etməsinin qarşısını almaq üçün işləməyə davam edəcək”.
