Minval.az-ın redaksiyasına 2024-cü ilin dekabrında AZAL-a məxsus Embraer E190 təyyarəsinin Rusiya hərbi hava hücumundan müdafiə qüvvələrinin "Pantsir-S" zenit-raket kompleksindən açılan atəş nəticəsində vurulduğunu təsdiqləyən materiallar yer aldığı anonim məktub daxil olub.
1xeber.media xəbər verir ki, bu barədə saytın Teleqram kanalında bildirilib.
Qeyd olunur ki, məktubda hava hücumundan müdafiə kapitanının izahatı, atəş anının videogörüntüsü, audiofayllar və digər sənədlər təqdim olunub. Bu materiallardan atəşin Rusiya Müdafiə Nazirliyinin əmri ilə açıldığı aydın olur.
Redaksiya əldə etdiyi məlumatları qəzanın araşdırılması ilə məşğul olan Azərbaycan Respublikasının səlahiyyətli orqanlarına təqdim etməyə hazır olduğunu bəyan edib.
