1xeber.media xəbər verir ki, “The New York Times” (NYT) yazır ki, ABŞ prezidenti Donald Trampın atəşkəs əvəzinə sülh sazişi bağlamaq zərurəti ilə bağlı açıqlamaları onun Avropa İttifaqı ilə Ukrayna üzrə sazişləri rədd etdiyini göstərir.
NYT-nin məqaləsində deyilir: “Tramp Rusiya prezidenti Vladimir Putinlə sammitdən sonra Ukraynadan və Avropanın əsas müttəfiqlərindən ayrılıb, Putinin dərhal atəşkəs əvəzinə hərtərəfli sülh razılaşmasının lazım olduğuna dair fikrini qəbul edib.
Müəlliflər qeyd edirlər ki, Amerika liderinin mövqeyinin dəyişməsi Rusiyaya bazar ertəsi Ukrayna prezidenti Vladimir Zelenskinin Ağ Evdə Trampla görüşündə davam etdirilməsi planlaşdırılan danışıqlarda üstünlük verir.
Bundan əvvəl Alyaska sammitindən sonra Tramp Zelenski və Avropa liderləri ilə telefon danışığı aparıb. ABŞ prezidentinin sözlərinə görə, söhbətin bütün iştirakçıları razılaşıblar ki, münaqişəyə son qoymağın ən yaxşı yolu “adi atəşkəsin yaradılması” deyil, Rusiya və Ukrayna arasında sülh sazişidir.
