Ukrayna prezidenti Vladimir Zelenski etiraf edib ki, hazırda Kiyevin nəzarətində olan Ukrayna ərazisi “NATO çətiri altına alınarsa”, ölkə bütün Ukrayna əraziləri azad edilmədən belə Rusiya ilə atəşkəslə razılaşa bilər.
1xeber.media xəbər verir ki O, bu barədə Britaniyanın Sky News telekanalına müsahibəsində bildirib.Ukraynanın bütün beynəlxalq səviyyədə tanınan ərazisinin, o cümlədən ilhaq edilmiş Krımın və Rusiya tərəfindən işğal edilmiş digər bölgələrin ərazilərinin bir hissəsinin geri qaytarılması Ukraynanın müharibədə rəsmi olaraq bəyan etdiyi məqsəddir.
Kiyev dəfələrlə bəyan edib ki, sülh sazişi naminə ərazilərdən imtina etməyəcəklər. Zelenskinin sözlərindən belə çıxır ki, Ukrayna hələ də Rusiyanın tələb etdiyi kimi onlardan de-yure imtina etməyə hazır deyil.Ukrayna prezidenti hesab edir ki, onlar daha sonra “diplomatik yolla” geri qaytarıla bilər.
Zelenskinin sözlərinə görə, Ukraynaya NATO-ya üzv olmaq dəvəti, NATO-nun Ukraynanın qanuni olaraq mövcud sərhədlərini tanıdığını bildirməsi müharibənin “isti fazasına” son verə bilər. Zelenskinin sözlərinə görə, belə bir dəvət “tezliklə” gəlməlidir.
Zelenski həmçinin ABŞ-ın yeni seçilmiş prezidenti Donald Trampla birbaşa ünsiyyət qurmaq niyyətində olduğunu və onun dəstəyinə arxalandığını bildirib. Birbaşa ünsiyyətin vacib olduğunu deyən o, Trampın ətrafında müxtəlif səslərin olduğunu qeyd edib.
