1xeber.media xəbər verir ki, MDB hökumət başçılarının iclasının may ayında Düşənbədə keçirilməsi təklif olunur.
Müstəqil Dövlətlər Birliyinin Hökumət Başçıları Şurasının növbəti iclasının 2025-ci il mayın 30-da Tacikistanın paytaxtında keçirilməsi təklif edilir. Bu barədə dekabrın 12-də MDB-nin baş katibi Sergey Lebedev məlumat verib.
Lebedevin sözlərinə görə, Tacikistan rəhbərliyi artıq görüşün keçirilməsinə razılıq verib.
Bundan əvvəl, noyabrın 26-da Rusiya prezidenti Vladimir Putin MDB-də vəziyyətin sabitliyinin pozulmasının qarşısını almağa çağırıb. Dövlət başçısı qeyd edib ki, çətin geosiyasi şəraitdə konstruktiv qarşılıqlı fəaliyyət həmişəkindən daha vacibdir. O, həmçinin təhlükəsizlik təhdidlərini müzakirə etmək və birgə həll yollarını hazırlamaq üçün MDB kəşfiyyat xidmətləri rəhbərlərinin illik görüşlərinin keçirilməsinin zəruriliyini qeyd edib.
