Son günlər bütün ölkələrdə trendə çevrilən müəllimlərlə bağlı şokolad videosuna Azərbaycanda da tələbələr və şagirdlər qoşulub. Trend videonun məğzi müəllimlərə sürpriz edərək şokolad paylamaqdır. Lakin gündəm olan bu vidolara reaksiyalar da müxtəlif olur.Kimisi videonu sadəcə əyləncə kimi qəbul edir,kimisi isə əlini açıb şagird və tələbələrdən "şirinlik" alan müəllim peşəsinə yaraşmadığını qeyd edir.
1xeber.media xəbər verir ki,Təhsil Araşdırma Mərkəzinin rəhbəri Kamran Əsədov özünün facebook səhifəsində məktəblərdə "like" çox olsun arzusunda olan müəllimlərdən, müəllimə şokalad verən şagirdlərdən yazıb.
Paylaşımı olduğu kimi təqdim edirik:
"Bir tərəfdən “şagirdə telefon olmaz, hər şeyi çəkib paylaşır’” deyib tənqid edənlər, digər tərəfdən “əlinizi açın, müəllimə!” trendindən şirin bir mənfəət görürlər. Şagirdin əlindəki telefon “əlimizi” və “like”mizi doldurursa, məktəbdə digər hadisələri çəkməsinə də etiraz etməməliyik.
Bir video dərs prosesini nə qədər pozur?
Şokolad trendləri müvəqqətidir, amma təhsilin prinsipləri qalıcıdır. Şagirdin müəllimə şokolad yox, hörmət və bilik hədiyyə etməsi daha vacibdir!
Bir dəfə də təhsil, kitab trend olsun da… Hazırıq təhsil müəssisəsində ona aid olmayan işlərlə məşğul olmağa…
Siz hələ təhsilin, dərsin nə olduğunu, mahiyyətini anlamamısız..
Sonra da deyirsiniz ki, məktəb elə, müəllim belə, təhsil elə."
