Ticarət müharibələri həm böyük həm də kiçik dövlətlərə təsir edəcək qlobal fəsadlara yol aça bilər.
1xeber.media türk KİV-lərinə istinadən xəbər verir ki, bunu Türkiyənin prezidenti Rəcəb Tayyip Ərdoğan Türkiyə Böyük Millət Məclisində nitqlə çıxışı zamanı deyib.
“Rüsumların səbəb olduğu ticarət müharibələrinin qlobal miqyasda fəsadları olacaq. Bunu şişirtmədən belə demək olar ki, güclü qasırğa gəlib, böyüklü-kiçikli hamıya toxunacaq”, -deyə o bildirib.
Xatırladaq ki, 2 aprel tarixində ABŞ Prezidenti Donald Tramp yeni gömrük rüsumları sistemini təsdiqləyib. Əsas rüsum dərəcəsi bütün idxal olunan məhsullar üçün 10% təşkil edir, ayrı-ayrı ölkələr üçün isə bu göstərici daha yüksək olacaq: Məsələn, Çin üçün 34%, Vyetnam üçün 46%, Avropa İttifaqı üçün isə 20%.
