“Rusiya Prezidenti Vladimir Putin NATO-nun bir kvadrat kilometrinə belə hücuma cəsarət edə bilməz, çünki ölkəsi dərhal genişmiqyaslı hücuma məruz qalacaq”.
Bunu NATO Baş katibi Mark Rutte deyib.
“Putin hesab edirsə ki, ölkəsi üçün əhəmiyyətsiz risk hesabına NATO-nun bir kvadrat kilometrinə belə hücum edə bilər, yanılır. Bu baş versə, Rusiya NATO-nun güclü zərbəsi ilə üz-üzə qalacaq. Putin bunu bilir”, – deyə Rutte Zelenskinin Rusiyanın NATO üzvlərinə hücumla bağlı kəşfiyyat məlumatları olması barədə açıqlamasını şərh edərkən deyib.
Bununla belə Rutte alyansın 4-5 il ərzində mühüm qərarlar qəbul etməyəcəyi halda ciddi çətinliklərlə üzləşəcəyini bildirib.
