Putin Ukrayna ilə siyasi və diplomatik həll yolu tapmağa açıqdır. Rusiyanın Amerika ilə əldə etdiyi razılaşmalara uyğun olaraq enerji infrastrukturu obyektlərinə zərbələr endirmə moratoriumuna qoşulduğunu elan etməsi buna ən parlaq sübutdur.
1xeber.media xəbər verir ki, bunu Rusiya Prezidentinin mətbuat katibi Dmitri Peskov deyib.
O qeyd edib ki, Kiyev müvəqqəti moratoriuma əməl etmir və hər gün Rusiyanın enerji infrastrukturuna zərbələr endirməkdədir:
“Amerikalılarla işimizi davam etdirəcəyik, səbirlə onlara vəziyyətin reallığını və Kiyevin sülh naminə heç nə etmək istəmədiyini çatdıracağıq”.
Peskov ABŞ Prezidenti Donald Trampın sülh prosesi uğursuz olarsa, Rusiya neftinə gömrük rüsumları tətbiq etməklə hədələməsini şərh etmək istəmədiyini vurğulayıb.
Bundan əlavə, o, bəyan edib ki, Trampın Səudiyyə Ərəbistanına səfəri Rusiya Prezidenti Vladimir Putinlə mümkün görüşlə bağlı deyil.
