İranın cənubundakı Bəndər-Abbas şəhərindəki Şəhid Rəcai dəniz limanında yanğın yenidən güclənib.
1xeber.media xəbər verir ki, bu barədə İslam Respublikasının daxili işlər naziri Əhməd Vahidi məlumat verib.
"Güclü küləklər səbəbindən konteynerlərdəki yanğın sürətlə yayılıb", - Tasnim agentliyi onun Telegram kanalında deyib.
Onun sözlərinə görə, yanğının daha da genişlənməsinin qarşısının alınması üçün tədbirlər görülüb, o cümlədən hadisə yerinin ətrafına bənd çəkilib, boş konteynerlər yerləşdirilib. O, təcili yardım xidmətlərinin tam gücü ilə işlədiyini vurğulayaraq, yanğının yaxın saatlarda söndürüləcəyinə ümid etdiyini bildirib.
