Qax Rayon İcra Hakimiyyətinin başçısı Musa Şəkiliyevin Hüquq - mühafizə orqanları tərəfindən keçirilən əməliyyatla saxlanılması barədə məlumat yayılıb.
1xeber.media Manset.az məsələni dəqiqləşdirmək üçün Qax Rayon İcra Hakimiyyətinin başçısı Musa Şəkiliyev ilə əlaqə saxlamaq istəsə də bu mümkün olmayıb.
Daha sonra Musa Şəkiliyevin xalası oğlu Zaqatala Rayonu İcra Hakimiyyətinin başçısı Mübariz Əhmədzadə ilə əlaqə saxlayıb. Əməkdaşımızın ona "Sizin xalanız oğlu, Qax Rayon İcra Hakimiyyətinin başçısı Musa Şəkiliyevin saxlanılması barədə məlumat yayılıb. Bu barədə nə deyə bilərsiniz?" deyə sual ünvanlayıb. Mübariz Əhmədzadə bu barədə məlumatı təkzib etməyib:
"Bu kimdir mənə zəng vuran? Mən bu barədə nə deyim... Mən Zaqataladayam. Siz Qaxa zəng edin".
