Çeçenistan lideri Ramzan Kadırov ölümü barədə mediada yayılmış məlumata münasibət bildirib.
1xeber.media xəbər verir ki, o, bu barədə respublikanın Nazirlər Kabinetinin nümayəndələri ilə görüşü zamanı danışıb.
“Əgər sistem yaxşı qurulubsa, hər gün iclas keçirməyə ehtiyac yoxdur, dəvət etmək və ya zəng etmək, hər hansı tapşırıq vermək kifayətdir - bizdə sistem belədir. Bir insan görüşə getmirsə, dərhal “ölür” və ya artıq “ölüb”. Ucuz şeylər yazanlara müraciət edirəm: sağam. Bizim ideologiyamız birinci prezidentimizin (Rusiya lideri Vladimir Putin - red.) yoludur və biz bu yoldan bir saniyə belə dönməmişik”, - Kadırov deyib.
Xatırladaq ki, son aylar media və sosial şəbəkələrdə tez-tez Çeçenistan rəhbərinin səhhətinin pisləşməsi və ölümü ilə bağlı məlumatlar yayılır.
