Ukrayna prezidenti Vladimir Zelenski Rusiya Federasiyasına qarşı sanksiyalar üzərində işin gücləndirilməsinin vacibliyini açıqlayıb.
1xeber.media xəbər verir ki, bu barədə “İnterfaks-Ukrayna” məlumat yayıb.
Nəşrin qeyd etdiyi kimi, Kiyev anti-Rusiya sanksiyaları üzərində daha fəal işləməyi, xüsusən də yeni məhdudlaşdırıcı tədbirlər hazırlamaq və onları tərəfdaş sanksiyaları ilə sinxronizasiya etməyi planlaşdırır.
"Biz həmçinin bu müharibədə Rusiyaya qarşı sanksiyalar üzərində işi gücləndirmək üçün tədbirlər görməyə hazırlaşırıq. Bunlar ölkələrimiz və tərəfdaşlarımız üçün yeni sanksiyalar, eləcə də sanksiyaların sinxronlaşdırılmasıdır", - Zelenski vurğulayıb. O, bu məsələ ilə bağlı daha diqqətli işləməyə çağırıb.
Bundan əvvəl Zelenski Rusiyanın maliyyə sxemlərinə qarşı yeni sanksiyalar paketinin imzalandığını açıqlamışdı.
