Avropa Komissiyası 19-cu anti-Rusiya sanksiyalar paketi çərçivəsində Rusiyanın “Mir” ödəniş sisteminə qarşı sanksiyalar tətbiq etməyi planlaşdırır.
1xeber.media xəbər verir ki, bu barədə Avropa diplomatiyasının rəhbəri Kaja Kallas X-də dərc olunan məqaləsində bildirib.
Onun sözlərinə görə, Aİ Rusiyanın əldə etdiyi pul axınını “mənbədə kəsməklə” məhdudlaşdırmaq niyyətindədir. Nəşrin məlumatına görə, bu, üçüncü ölkələrdə, o cümlədən kriptovalyutalardan istifadə edənlərdə vergidən yayınma sxemləri ilə mübarizədən gedir.
“Biz həmçinin Rusiyanın “Mir” kredit kartı sisteminə qarşı tədbirlər görməyi planlaşdırırıq”, - Avropa komissarı bildirib.
Kallas, həmçinin Brüsselin Rusiyadan mayeləşdirilmiş təbii qazın (LNG) alışını vaxtından bir il əvvəl, yəni 2027-ci ilin əvvəlinə qədər dayandırmaq planlarını təsdiqləyib: “Məqsədimiz ləğvi sürətləndirməkdir.
AK prezidenti Ursula fon der Leyen də sanksiyaların yerli kriptovalyuta platformalarına təsir edəcəyini bildirib. Bundan əlavə, onun sözlərinə görə, Rusiya neftini daşımaqda şübhəli bilinən daha 118 gəmi də məhdudiyyətlərə məruz qalacaq.
